الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

كاميرات ضد الفساد

يوسف غيشان

السبت 25 شباط / فبراير 2012.
عدد المقالات: 1911
كاميرات ضد الفساد * يوسف غيشان

 

كان من النتائج المباشرة للحراك الشبابي، وللربيع العربي في الأردن، أن اضطرت الحكومات الى ما يمكن تسميته بمكافحة الفساد، بحث صار الفساد يتحرك في مناخات أصعب قليلا من الماضي ، والرقابة صارت اكبر قليلا .

الفساد حاليا يمر في مرحلة الصدمة ، وهو يفكر في ابتكار آليات تناسب المرحلة وتخدع الرقابة ..... وهنا يأتي دورنا؛ أن لا نسمح له بذلك ، أو – على الأقل- أن نعرقل مساعيه في التكيف مع مناخات الحراك الأردني، وعودة حليمة الفساد لعادتها القديمة:

قال الرجل لصاحبه:

- «يا رجل كلشي إتغيّر..... كنت قبل كمّن سنة ادخل ع السوبرماركت ومعي 5دنانير ، أوخذ جاج ومرتديلا ونسكافيه وشيبس وشوكولاته ورز وسكر ..وارجع ع الدار وبعد معي مصاري ....هلا صار الموضوع صعب ..بتفوت ع السوبرماركت ومعك خمسين دينار ع الأقل تاتجيب نفس الأغراض، وبترجع ع الدار ما معك شلن».

قال صاحب الرجل مندهشا:

- لكن يا رجل انت عن اي بلد بتحكي؟ .

- عن الأردن ..عن هون

- صحيح الأسعار ارتفعت في الأردن ، لكن ما عمرها كانت رخيصة زي ما بتحكي .... بخمس دنانير بتوخذ جاج ومرتديلا ونسكافيه وشيبس وشوكولاته ورز وسكر ..وبترجع ع الدار وبعد معك مصاري .... تخنتها.

- لا ما تخنتها ..هالحكي صحيح ..

- طب كيف كنت توخذ هاي الأغراض بأقل من خمس دنانير؟؟...خذني ع قد عقلي ..وفهّمني.

- أقوللك؟؟....كنت مرات أوخذها كلها ببلاش .

- وليش هلاّ بطّلت تقدر؟؟

- «لأنهم صاروا يحطوا كاميرات مراقبة في المحلات»!!

[email protected]

التاريخ : 25-02-2012

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش