الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

هيك

كامل النصيرات

الأربعاء 6 تشرين الثاني / نوفمبر 2019.
عدد المقالات: 969

نصحني كثيرون أن أخفّف حدّتي قليلاً في الكتابة ؛ يعني مش كل يوم كل يوم حدّة وغضب..الدنيا بدها هيك وبدها هيك..وطبعاً ومن باب الثرثرة أكيد هيك الأولى غير هيك الثانية؛ لأن الناس اللي (هيك) ما بدها (هيك)..وكلّ اللي على راسه (بطحة هيك) أكيد ما رح يعجبه كلامي (هيك) ..فلازم وضروري أروح لـ(هيك) الثانية عشان (هيك) وضع بده (هيك) مسايرة..!
حكايتي مع ال(هيك) حكاية طويلة..! فمنذ صحوتُ في بلاد العرب هيكاني والكلّ يتأمّر عليّ : لا تعمل هيك ..اعمل هيك..! مين حكالك تتصرف هيك..؟ ولك هيك بتعمل فيّ؟؟ والأدهى إنك عندما تسأل مسؤولاً مغروراً في جلسة خاصة: ليش يا بيك عملت هيك؟ بيحكيلك : هيك..إنت أخو مراقي؟ ولمّا تتأسّد قليلاً: طيب ليش هيك ليش؟ بيحكيلك : هيك يعني هيك..!
ضعنا في هيك..وهيك ضياع بده هيك كتابة أو كتابة هيك..لأنه الأوطان اللي بصير فيها هيك ؛ يستحق شعوبها هيك نتائج..! من يترك الهيك على عواهنها يستحق هيك وأكثر من هيك ..!
لا تحسبوا أنني أحاول أن أستظرف عليكم ..أنا ما بعمل هيك..لكنني أحاول تخفيف حدة غضبي على هيك عيشة قال عنها الراسخون في الهيك: هيك من هيك لهيك عيشة..!

رئيس مجلس الإدارة: محمد داوودية - رئيس التحرير المسؤول: مصطفى الريالات - المدير العام: الدكتور حسين العموش