الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

حوار ناقص شغلة

كامل النصيرات

الأربعاء 23 تشرين الأول / أكتوبر 2019.
عدد المقالات: 972

  · انها لا تحبّني..مع اني بجيبلها أشياء زاكية..!
 · يا زلمة والله بتحبك..أنا حاسس وشايف بعيني ؛ حتى لو ما جبتلها أشياء زاكية..
 · أبداً ولا تقنعني..اللي بحب ما بعمل هيك..أي رجلي في هيك حب..!
 · يا زلمة هو لحالك اللي انعمل فيك هيك..ما كلنا انعمل فينا اللي انعمل فيك.
 · مستحيل مستحيل ولا تقنع اللي خلّفوني..! أنا حاط ال 100 دينار (خمسينتين) بالبنطلون وعلقته كالعادة..أجت وحكتلي : حبيبي بدي عشر دنانير ..روحي خذي من البنطلون..حبيبي بدي 7 دنانير..روحي خذي من البنطلون..بدي 12..روحي خذي..بدي 5...روحي خذي ..بدي 9..روحي خذي..بدي 23 ..روحي خذي..بدي 8 ..روحي خذي..بدي 12..بدي 6...
 · يا زلمة ما أنا مثلك وكلنا مثلك..أنت بتحكيلها روحي خذي..إحنا بنطلع ونعطيها..والله يا صاحبي كلنا هيك..بس انت مكبر الموضوع..
 · مستحيل نكون نحكي بنفس الموضوع..انت لما خلصت مصاريك طلبت منك؟؟
 · الصراحة لما عرفت انه ما معي انلطمت وسكتت عن الطلب بس ما سكتت عن الشكوى و التذمر..
 · شفت؟ شفت كيف؟؟ أنا باعت البنطلون تبعي وهي بتحكيلي حبيبي..أنا بتدعس في بطني كل لحظة وهي بتبتسم في وجهي و تبوسني..أنا عملتني فُرجة في الشارع وخلّت أُمم ربنا بتتفرج على ملابسي الداخلية وهي بتحكي: هيو حبيبي هيّو..
 · أنا بحكي عن مرتي..انت بتحكي عن مين يا زلمة..؟؟
 · ههههههههههه أنا بحكي عن اللي بتحكيلي حبيبي..!

رئيس مجلس الإدارة: محمد داوودية - رئيس التحرير المسؤول: مصطفى الريالات - المدير العام: الدكتور حسين العموش