الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

الكرة في مرماي

كامل النصيرات

الأحد 13 تشرين الأول / أكتوبر 2019.
عدد المقالات: 972


اتصل بي على عجل وقال لي : بدي وظيفة..دبّرها ..الأمور مسكرة..الكرة الآن في مرماك..! وضحك كمشتين و أغلق الخط ..
اتصل بي واحد آخر: بدي أطلب هالطلب و بتقدر عليه إذا نويت ..! قلتُ له : كيف إذا نويت؟؟ قال : ولو ؛ يعني إذا بدك تساعد ..المهم بدّي تعين الولد بالأمن ..! وضحك معي كمشتين وأغلق الخط..
اتصل بي غيرهما : بدي انتداب وما حدا يقدر عليها غير ..! بدي انتقل لهيئة الانتخابات وما حدا بمون عليهم غيرك..! بدي وبدي وبدي..والكرة دائماً يضعونها في مرماي..الكل يحادثني ويطلب مني ويضع شرط الزعل مني في مقدمة طلبه ..! الكرة في مرماي يعني إذا لم استطع تلبية طلبه فأنا المحقوق..وما بقدر عليها غيري يعني رح أزعل إذا ما بتعملها..وإذا نويت تعني إذا ما أتممتُ ما طلب فأنا غير مشتهي لاتمام الطلب..!
أي صورة ترتسم لي عند الناس..! يا أرفل : يا من شققتَ عن قلبي وتعرف أني بحاجة إلى واسطة ولا أجدها لشراء كروز دخّان مهرب..! يا أرفل؛ أنت من يعرف إني لا أجيد كرة القدم ولا أقف على مرمى فكيف يسجّلون بي الأهداف لتصبح كل الكرات في مرماي وأنا لا علم لي أو شأن..!
يا أرفل..من يأخذ كل الكرات من مرماي ويريحني من كلّ هذا العناء..؟ لكني أريد واحد إذا نوى فعل..وما حدا يقدر عليها غيره..! يا أرفل..بدّي أهج..

رئيس مجلس الإدارة: محمد داوودية - رئيس التحرير المسؤول: مصطفى الريالات - المدير العام: الدكتور حسين العموش