الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

السيارة مش للبيع

رنا حداد

الأربعاء 5 كانون الأول / ديسمبر 2018.
عدد المقالات: 40


يعطيك العافية مدام
_ حياالله
السيارة للبيع؟؟
_ لا ..
طيب، شكرا غلّبتك.
_حياالله..
وهو راح بطريق وأنا بطريق، وما فكرت اروح استل «الكيبورد» واستهلك نت ، وانزل حالة على الفيسبوك، اني تعرضت لــــ «التحرش»، ولم اخبر ايضا اي منظمة «نسوية» ولا جهة «أمنية» عن الواقعة الأليمة العظيمة..
ببساطة ضحكت بيني وبين حالي ومشيت ومشيت القصة ..
هالموقف ذكرني بسولافة « الصنارة» .. اي نعم ..الصنارة اللي بترميها، يا بتصيب،  يا بتسكر شباك سيارتك وبتعتبر الموقف عادي وبتمشي؛ لانك مؤهل للتعامل معه ومع الاتخن منه من مواقف.
مناسبات كثيرة بتعطي الضو الاخضر!!  لتصير كل كلمة وكل موقف، حدثا يستحق «المناصرة»، و «المناهضة» وساعتها «بفيعوا» مناصري المرأة، ومؤازري الرجل، وبصير الكل «كووول» ومتحضر ومتمدن؛ لانهم ببساطة عبّروا عن غضبهم واستنكارهم ودفاعهم المستميت بنشر الملصقات واليافطات والصور والمنشورات الفيسبوكية والتويترية المزلزلة، دون الرجوع الى صورة عامة لمجتمعنا وسؤال «هل نحن حقا مجتمع متحرش.. وعنيف؟؟ «.
وطبعا بعد انتهاء الفعالية والتصوير والمؤتمر وورشة العمل، ولوح التوصيات بننسى عن شو كنا نحكي، وعن مين كنا ندافع.
ما تسكتيش ع الاذى والاذية، لكن اعتقد وصلنا مرحلة تثقيف ووعي تمكن المرأة وكل فرد، من رد اي تحرش والتعامل مع اي عنف، مجتمعنا ما زال راقيا، جميلا، فيه نخوة، وفي شهامة..
احنا غير حتى لو كانت في «قلة» غير!!  ممكن ترتكب مخالفات وحماقات و.. تحرش، وعنف .. احنا ببساطة يا جماعة .. احنا. وكمان مرة،، السيارة مش للبيع !!

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش