الصفحات
الكاملة
تيوب
الدستور
رسالة جلالة
الملك للدستور
موقع
زوار الأردن
موقع
جلالة الملكة
موقع
جلالة الملك

عالم «مفلتر»

رنا حداد

الخميس 29 تشرين الثاني / نوفمبر 2018.
عدد المقالات: 40

المشوار اللي صورناه ونزل حالة «فيسبوك» للامانة ما كان «احلى طلعة بالعالم» ، لانه كثار ما كانوا مبسوطين، ويمكن صارت «شوية» مشاكل، بس ما بينت بالصورة.
والاكل امبارح ما كان كثير بشهي، بس صورناه ونشرنا انه من تحت ايدين احلى ام او احلى زوجة، بس ما حكينا مين وقف مع هالام او الزوجة في مشوار اعداد الطبق الفاخر من الاخر.
وكم التقدير للمحاضر في الندوة اللي رحنا نتصور فيها، كان مبالغا فيه، بالنظر الى انه مضينا وقت المحاضرة او الندوة نتصور ونتصفح النت، للامانة ما استفدنا ولا فهمنا شي.
وبالنسبة للي كتبنا الّهم مرة مع صورنا سوا «حب العمر» ، و «صداقة للابد» ، هلّا هم في قائمة «البلوك» او اللاصدقاء، للامانة، لربما افرطنا في مشاعرنا وبالغنا، في عالم لا يحتمل رسائل طويلة ولا حبا طويل الامد.
وزعنا كثير قلوب وابتسامات رقمية ع اللي بسوى واللي ما بسوى، ورغم هيك نحن «وحيدون».
بدل الميديا، تمادينا بالنشر، نشر الصور والغسيل والغضب.
اخترنا الحضور الافتراضي، ودخلنا غيبوبة الحضور الحقيقي، عيش، عيشي
اللايكات ما بتطعمي خبز
والتعليقات ما بتعبي .. قلب..

رئيس مجلس الإدارة: محمد داوودية - رئيس التحرير المسؤول: مصطفي الريالات - المدير العام: الدكتور حسين العموش